Gå sebrulasj siebren la miella ásadit sáme gillbusijt de rájaduvvá åtsålvis SIF:a stivraj. Åtsålvisán beras diededit makkir sajen dav miejnni ásadit gillbusijt ja makkir ájge ja biejvve da galggi tjadáduvvat.

Miestergillbusa galggi ásaduvvat dáj ájgij jagen:
Dálvvemiestergillbusa: guovvamáno- vuoratjismáno
Sisbandymiestergillbusa: basádismáno- vuoratjismáno
Giessemiestergillbusa: bårggemáno

Dat juogeduvvá ásadimdårja siebrijda gudi ásadi gillbusijt. SIF:a aktan SVL:jn dahkam njuolgadusájt ma galggi dåladuvvat miestergillbusijn. SIF:a vállji ja máksá TD:av (teknisk delegatav) gut la oasen gilposbiejvijn ja bärrájgåhtså vaj njuolgadusá tjuovoduvvi. TD:a aj máhttá doajmmat degu nävvon ja dårjan åvddål ásadusá. Dat gávnnu máhttelisvuohta garvvet muhtem njuolgadusájt ja gilposvuogijt jus åhtså loabev SIF:a stivras åvddål ájge. Stuoráp rievddadusájt njuolgadusájs/gilposvuogijs majt ásadiddje siebrre sihtá tjadádit hähttu mierreduvvat SSIF:a jáhketjoahkkemin ja danen hähttu åtsålvis juo sisi buvteduvvat guhkebut åvddål ájge.
SIF:n li tjoarvve ja tjoarvvedoalle luojkkat ja máksá aj sáhtov dajs gilpossaddjáj. SSIF:a adná gárvvásij medáljajt SM gilposvuogijda. Ásadiddje siebrre oadtju aj juohket ietjá vuojtojt, valla dat ij la bággidum. Ásadiddje siebrre galggá bärrájgåhtset at boadoslisto galggi gávnnut gillbusijn ja at da galggi rájaduvvat aktan rudálasj tjielggidusájn gillbusijs SIF:aj maŋŋela tjadádum gillbusij.

SIF:a ruoptobielle ja facebooka juogos máhttá aneduvvat degu juohkemsaddje gillbusijs.

Sáme SM:a li juogu dal gillbusa ja aj ájnas sáme äjvvalimsaje. Ássat iehkedis dåjmajt jali áredimijt diehttelis ij la bággidum, valla gå oassálasste båhti ålgobut ietjá sajijs la dat juoga mij la mielos. Nåv vaj binnedit barggodättov siebren, mij nävvop at juo gå vuododihpit ásadusáv gähttjalit åhtsåt jus li iehtjáda ulmmu/viddnudagá/siebrre gudi máhtti degu dal iehkedis dåjmajt dållat ja biebbmovuobdusav gilposbiejvijn.