Go miellahttusearvi háliida lágidit sámi meašttirgilvvuid de galgá guođđit ohcamuša SIF:a stivrii. Ohcamušas galgá boahtit ovdan gos áigu lágidit gilvvuid ja maid makkár beivviid čađahuvvot.

Gilvvuid sáhttá lágidit daid jahkeáiggiin:
Dálvemeašttirgilvvut: guovvamánus cuoŋománnui
Sisbandymeašttirgilvvut: skábmamánus cuoŋománnui
Geassemeašttirgilvvut: borgemánus

Juolluduvvo lágideaddjidoarjja servviide geat lágidit gilvvuid.
SIF lea ovttasbargguin SVL:in almmuhan njuolggadusaid mat galget leat fámus meašttirgilvvuin.
SIF nammada ja goasttida ovtta TS (teknihkalaš sáttaolbmo) guhte lea sajis gilvobasi ja bearráigeahččá ahte čuvvot njuolggadusaid. TS sáhttá maid doaibmat dego ráđđeaddi gilvvuid ovdal. Lea vejolaš spiehkastit muhtin njuolggadusaid ja gilvvohallanosiid jus ohcá dispeansa SIF:a stivrras buori áiggi ovdal.
Stuorit rievdadusaid njuolggadusain/gilvvohallanosiin maid lágideaddji searvi háliida čađahit berreha mearriduvvot SSIF:a jahkečoahkkimis ja danin ohcamuš berreha dahkkot buori áiggis.

SIF:s lea moadde čoarvvi ja čoarvedoalli luoikamii ja máksá maid fievrrideami dain gilvvaleadjebáikái. SSIF máksá medáljaid SM surggiide. Lágideaddji searvi ožžo maid juohkit iežá bálkkašumiid, muhto dát ii leat bággu.
Lágideaddji searvi galgá bearráigeahččat ahte boađuslisttut ordnejuvvojit gilvvuid botta ja ahte sáddejuvvojit ovttas gilvvuid čilgehusain SIF:i maŋŋil čađahuvvon gilvvuid.

SIF:a ruovttosiidu ja facebookjoavku sáhttá geavahuvvot juohkin dihte dieđuid gilvvuid birra.

Sámi SM leat sihke gilvvut ja dehálaš gávnnahanbáiki. Dieđusge ii leat bággu lágidit eahkesdoaluid, muhto go oassálastit mátkkoštit iežá báikkiin de lea juoga mii árvvus atnu. Vai njeaidá bargonoađi servviide mii ávžžuhit ahte dii juo plánendásis iskabehtet jus gávdnojit iežá olbmot/fitnodagat/searvvit geat sáhttet lágidit omd. eahkesdoaluid ja maid biebmovuovdima gilvvuid oktavuođas.